-
سيف سبيعي ينهار من البكاء: "شقفة من روحي عم تنقص" (فيديو)
انهار الفنان و المخرج سيف السبيعي من البكاء أثناء سؤاله عن زميله الفنان الراحل محمد قنوع الذي رحل عن عالمنا يوم 22 نيسان إثر نوبة قلبية مفاجئة.
وقال سيف السبيعي في مقابلة صحفية: "شغلة صاعقة وشغلة كثير قاسية علي بشكل شخصي أنا كل ما عم يروح حدا من أصدقاء بداياتي عم حس في شقفة من روحي عم تنقص".
اقرأ المزيد: هاني شاكر يتعرض للنصب بسبب متعهد حفلات في البحرين(فيديو)
وأضاف: "بلشت بنضال سيجري وكملت بحاتم علي ويمكن الشقفة الأكبر راحت مع محمد هذا كان نص روحي بكل بساطة بس راح".
وكان سيف السبعي قد نعا زميله الراحل ببوست عبر صفحته على انستغرام قال فيه: "بتعرف شو لك ميمو …!! انا مارح ودعك ما رح اقدر شوفون عم ينزلوك ع مكان بارد و موحش و مظلم … بالعكس … انا رح ضل ناطرك … رح ضل ناطر تتصل فيني و تقلي وينك و قلك وين بدي كون يعني !! بالبيت طبعا و تقوم انت تسألني عندك حدا ؟؟ و قلك لا يلا قوم تعا و تقلي يلا جاييك ..".
اقرأ المزيد: رسالة مؤثرة من ابنة محمد قنوع إلى والدها الراحل (صور)
وتابع: "و متل ما وعدتك رح ضل لاقيلك دور مختلف بكل مسلسل رح اعملو … و يقولولي محمد ما بيقدر لانو مرتبط باكتر من عمل و قلن انا معليش مننسقلوا مو مشكلة .. بعدين يقولولي ما زبطت الاوقات لانو عندو سفر كمان …. و ما يزبط الدور .. معليش منبعتلو ب يلي بعدو … و ابعتلك و اتساب و قلك لك يا ميمو ما اتفقنا بعد شومان بالعربجي و بعد مياس ب مال القبان .. انو ما عاد تشتغل شو ما كان !!؟ و انطر ردك … و اخر شي … اذا ما اجيت …. انا جايه لعندك لاني كون مشتقلك كتير … روح هلق … منحكي بعدين
الله معك يا روحي و يا عيوني …. الله معك ..".
