-
بسمة وهبي تعلن تنازلها عن راتبها لصندوق تحيا مصر (فيديو)
أعلنت الإعلامية بسمة وهبة عبر برنامجها عن تبرعها بأجرها لمدة ثلاثة أشهر لصالح صندوق "تحيا مصر" وذلك دعما منها لمصر في الأزمة الاقتصادية الحالية التي تعاني منها.
وكان زميلها الإعلامي محمد الباز قد اطلق هذه المبادرة في وقت سابق، وأعلن عن تبرعه بأجره لصندوق "تحيا مصر".
اقرأ المزيد: محمود بدر يقدم بلاغاً رسمياً ضد محمد رمضان بتهمة سرقة أغنية "على وضعنا" (فيديو)
قالت بسمة وهبة في حلقة الأربعاء من برنامجها "90 دقيقة" المذاع على قناة المحور: "أنا فكرت إحنا كإعلاميين ليه منتنازلش عن جزء من راتبنا عشان البلد".
ووجهت رسالة شكر إلى الإعلامي محمد الباز: "أشكر الزميل محمد الباز أستاذي طبعا إن هو تنازل عن أجره، اشمعنى انت يا أستاذ محمد الباز، أنا كمان متنازلة عن أجري عن شهر و2 و3".
وتابعت: "احنا مش دورنا إننا نطلع كإعلاميين نتكلم ونقبض وبس، مش ده اللي بيساعد المواطن.. احنا النهاردة دورنا نساعد المواطن، اللي مش قادر يدفع الراتب كله يدفع نصه من السادة الزملاء".
وأضافت: "لازم نعمل مبادرة الإعلاميين ميصحش يا جماعة، الإعلاميين بياخدوا رواتب كويسة، تنازلوا للدولة وللشعب والناس الغلابة اللي محتاجة ونسميها ادعم بلدك".
اقرأ المزيد: على خطى شاكيرا.. مايلي سايرس تنتقد زوجها السابق بأغنية جديدة
أكملت بسمة: "شهر نيجي على نفسنا فيه مفيهاش حاجة، جزء مش الراتب كله.. أنا بشكر الأستاذ محمد الباز لإن هو اللي بدأ بهذه المبادرة وأنا معاه ونفسي كل إعلامي يعلن هيعمل إيه".
