-
رامي جمال: مضطر أسيب البهاق ينتشر في جسمي لسبب! (فيديو)
تحدث الفنان المصري رامي جمال عن معاناته مع مرض البهاق وبعض المواقف المؤثرة التي تعرض لها بسبب إصابته به.
أطل رامي ضيفاً في مقابلة تلفزيونية في برنامج "عالوعد"، الذي تقدمه الفنانة وعد، وقال أن أكثر الصعوبات التي مر بها في حياته كانت بعد تشخيص إصابته بمرض البهاق .
اقرأ المزيد: نانسي عجرم تدافع عن شاب أبعده رجال الأمن عن المسرح (فيديو)
وأضاف: "أنا كنت الأول شايفه مشكلة وجيت في وقت لما لقيت ناس بتتصرف جايز عن غير علم بالموضوع، كنت شايفه الحاجة اللي ممكن تبوظ مستقبلي" .
تابع: "أول ما لقيت البقع والبهاق بدأ يبان،هو حاجة ملهاش علاج للأسف ليه حاجات توقف انتشاره وأنا كمان ممنوع من الحاجات دي علشان أنا عندي سكر، فممنوع بالنسبالي اخد كورتيزون، فبالنسبالي مضطر أسيبه يكتر" .
اقرأ المزيد: العلماء يطورون طلاء ذهبيا يمنع تشكل الضباب على النظارات (فيديو)
وقال رامي: "لكن بدأت ألاقي ناس ابقى قاعد أنا ومراتي معاهم والمفروض إنهم متعلمين وحد بيسلم عليا وبعدين ألاقيه يقولي معلش هو ده معدي .. لما بدأت ألاقي مواقف كتير من دي بتحصل قولت أنا كده فعلا الشغلانة في خطر لإن واضح الناس واخدة بالها ومركزة" .
وأكمل: "لحد ما جيت في يوم كنت نازل من الاستوديو وفيه حد طالع ومد إيده يسلم فمديت إيدي وهو مكنش شاففبص على إيدي قام ساحب إيده وموطي عامل نفسه بيربط الجزمة .. أنا فهمت وفتحت باب عربيتي لقيته بيقولي استنى انت زعلت ولا إيه قولتله لأ مزعلتش خالص" .
اقرأ المزيد: شريف منير ينهار بالبكاء على الهواء! (فيديو)
واصل: "كتبت بعد كده إن لو متقبلتونيش بالشكل ده معنديش مشكلة خالص أنا كده كده الحمد لله عندي شغل تاني رغم إن الفن أنا بحبه جدا بس مش هجبركوا عليا ولا عايز تعاطف .. أنا شايف المرض حب من ربنا وربنا بيختبرني يشوفني راضي ولا لأ وأنا راضي جدا" .
اختتم الفنان المصري رامي جمال: "البوست ده كتبته ونمت، صحيت من النوم لقيت الدنيا مقلوبة بمعنى الكلمة، أنا مفيش فن من اللي أنا قدمته عملي التعاطف والحب ده" .
