-
مكسيم خليل يدعو لـفضح كل شخص يقوم بسرقة المساعدات في سوريا
دعى الفنان السوري مكسيم خليل كل شخص يعلم بسرقة المساعدات والتبرعات التي تصل إلى سوريا لمساعدة المتضررين من الزلزال، بالإبلاغ عنه وفضحه فوراً.
وكتب مكسيم عبر صفحته الرسمية على انستغرام: "نداء لأصحاب الضمير، بتقدر تحكي شو شفت وتفضح هدول الاشخاص بالاسم تحت، بالصور المرفقة عينة من رسائل كتيرة عم توصل انه هلأ وبهذا الوقت المأساوي يلي عم يعيشوه السوريين وبعد مرور كم يوم على وحدة من اكبر الكوارث .. المصحوبة بعواصف وبرد قاسي هالوقت يلي الناس عمتستنى خبر عن احبابها او عن لهفة من حدا".
اقرأ المزيد: نجوى كرم تتبرع بـ 2 مليون دولار لضحايا زلزال سوريا.. ولبنانيون: "رفضت كشف اسمها"
وتابع: "مع الاسف في ناس تسرق و تخبي و تبيع الاعانات .. في منهم شيوخ وفي منهم مخاتير وفي منهم هلال ومنظمات وفي منهم جيش وتجار.. طبعاً البعض لانه اكيد في ناس عمتشتغل بكل اخلاص.. يلي عماحكيه موجود بكل مناطق سوريا بلا استثناء ..حلب ،اللاذقية ، جبلة ،ادلب ، جنديرس .الخ".
وأضاف: "مابعرف شو ممكن يقول الواحد ..لانه اكيد يلي بيعمل هيك وبهيك وقت معدوم الضمير والانسانية و مافي شي ممكن يخليه يفكر باخواته السوريين المتضررين ولا حتى بالسوريين يلي في منهم قرر يشيل اللقمة من تمه ليساعد اهله بسوريا، هدول الاشخاص يلي عم يستغلوا الوجع ليحققوا ربح.. الامل منهم مقطوع …ندائي هو للناس الحقيقية والنضيفة..ندائي هو للمؤثرين والفنانين انهم يساهمو بضبط هدول الامور ..انتو يلي بتقدرو تفضحو هدول الناس و تحطوهن قدام الاجراءات القانونية المناسبة".
اقرأ المزيد: بلقيس تعلن تبرعها بأجر حفلها في دبي لمنكوبي زلزال سوريا (فيديو)
وفي الختام مكسيم: "برجع بأكد الموضوع ما بشمل الجميع بس الاكيد انه عميأثر على كل اشكال التبرعات المالية والعينية. يلي ماعنده ضمير مارح يفيق هلأ ضميره، بس الامل بلي عنده ضمير، وانا رأيي ممكن يكون هون مكان تحكوا شو عم يصير و شو شفتو بالاسم".
